د ازهر علی ځلېدونکی بیټ هغه ته شپږم مقام ورکړ

د ازهرعلی ځلېدلو هغه ته شپږم مقام ورکړ
ازهر علی په ټیسټ سیالیو کې د ښې توپ وهنې له امله د نړۍ د ټیسټ توپ وهونکو په قطار کې شپږم ځای خپل کړ.
هغه د اسټرالیا خلاف ټیسټ لوبه کې په یوه پاڼۍ توپ وهنه کې (۲۰۵) نا سوځېدلې منډې جوړې کړې او په دې ډول یې د اسټرالیا د ټولو توپ اچوونکو پر وړاندې تر ټولو ښه مقاومت وکړ.
د هغه دغې ځلېدنې نوموړی ته د کرکټ نړۍ والې شورا د لوبغاړو د مرتبې او درجه بندۍ په جدول کې شپږم ځای ورکړ.
علی له ډېوېډ وارنر څخه وروسته په جدول کې قرار لری.
هغه د ویسټ انډیز خلاف دوبۍ کې هم په ټیسټ لوبه کې په یوځل دری ناسوځېدلې سلیزې جوړې کړې وې.
ازهرعلی د پاکستانیو توپ وهونکو له ډلې څلورم لوبغاړی دی، چې ټیسټ لوبه کې په یو ځل پر له پسې دری سلیزې جوړوی.
د یادولو وړ ده، چې ټیسټ سیالیو کې ازهر علی، تر سټیف سمېت، ویرات کولی، جو روټ ، کېن ویلیمسن او له ډېوېد وارنرڅخه وروسته دی؛ خو له هاشم امله ، ای بی ډیویلیرس ، کاینټن ډیکاک او پوجارا څخه مخکې دی.