ملا ماتوونکې توپ اچونې او دوه سلیزو افریقایی لوبډله د بریا تر هسک ورسوله

هندوستان کرېکټ بورډ نوی لوبډلمشر معرفی کړ

ځوان لوبغاړی ، ویرات کوهلی د هند کریکټ ملی لوبډلې د شل آوریزو ، ون ډې او ټېسټ لوبو لوبډلمشر وټاکل شو .

د کرېکټ مینوال دهند کریکټ بورډ دغه ټاکنه پر ځای بولی. 

د سولی جام دوهمه سیالی د کونړ میډیا لوبډلې وګټله

د کونړ مېډیا لوبډلې د سولې جام دوهمه سیالی وګټله

د ننګرهار ژورنالېستانو منتخبې کرکټ لوبډلې او کونړ میډیا لوبډلو ترمنځ د سولې جام تر عنوان لاندې سیالیو دوهمه لوبه نن د جلال اباد ښار بهسودو پول تر څنګ په سپین غر خصوصی کرکټ لوبغالی کې ترسره شوه.

ټاس د کونړ لوبډلې وګاټه او د توپ وهنې پرېکړه یې وکړه، دوی په ټاکلو پنځلس اورونو کې د (۶) لوبغاړو په سوځېدو سره (۱۵۷) منډې جوړې کړې او د ننګرهار ژورنالېستانو منتخبې لوبډلې ته یې (۱۵۸) منډې هدف ورکړ.

د ننګرهار لوبډلې د هدف د پوره کولو لپاره ښه پیل وکړ؛ نوموړې لوبډلې لپاره ولید خپلواک او عمران منصور خورا توپانی توپ وهنه نندارې وړاندې کړه؛ خو لوبډله یې له ماتې ونه ژغورله.

د ننګرهار لوبډله د پنځلسم اور تر وروستی توپ پورې د لوبې په تعقیب کې وه، خو د هدف په پوره کولو کې ناتوانه شوه.

دوی په ټاکلو پنځلس اورونو کې د نهو لوبغاړو په سوځېدو سره (۱۴۹) منډې جوړې کړې او لوبه یې په نهو منډو کونړ مېډیا لوبډلې ته وبایلله.

دغه سیالۍ د وطن پاله ځوان انجینر هدایت الله ظهیر له خوا د سولې جام تر عنوان لاندې په لاره اچول شوی دی، چې موخه یې ختیځ مېشتو او هېوادوالو ته د سولې د پېغام رسول او سوله تامینول دی.

د یادولو وړده، چې د سولې جام تر نامه لاندې دغه دری (۳) پنځلس اوریزه سیالۍ د دوو کرکټ لوبډلو کونړمېډیا او ننګرهار ژورنالېستانو منتخبې لوبډلې ترمنځ ترسره کېږی، چې لومړۍ لوبه یې ننګرهار او دوهمه یې کونړ لوبډلې وګټله ، سبا د جمعې په ورځ به په همدغه لوبغالی کې د دې جام پایلوبه ترسره کېږی

خبر: سمیع الله درانی

د مونرو بې څاری بیټ بنګلدیشی بالران ښه برابر کړل

بې رحمه توپ وهنې بنګله دیشی توپ اچوونکی تر پوزې راوستل
د نیوزیلېنډ او بنګله دیش ترمنځ دوهمه شل اوریزه لوبه نن سهار د نیوزیلېنډ په ماونټ ماونګانی لوبغالی کې د نیوزیلېنډ په لومړۍ توپ وهنه پیل شوه.
ټاس بنګله دیش ګټلی و او توپ اچونه یې غوره کړه.
د نیوزیلېنډ لپاره ون ډاون کیڼ لاسی توپ وهونکی کولېن مونرو خورا بې رحمه توپ وهنه نندارې ته وړاندې کړه، هغه په (۵۴) توپونو د (۷) څلوریزو او (۷) شپږیزو په مرسته (۱۰۱) منډې جوړې کړې، له نوموړی سره په توپ وهنه کې ټام برس هم ښه ملګرتیا وکړه، برس په (۳۹) توپونو (۵۹) نا سوځېدلې منډې د نیوزیلېنډ هدف ته ورعلاوه کړې .
نیوزیلېنډ په ټاکلوشلو اورونوکې د (۷) لوبغاړو په سوځېدو سره (۱۹۵) منډې جوړې کړې او بنګله دیش ته یې (۱۹۶) منډې هدف ورکړ.
د بنګله دیش لپاره ښه اچونه روبېل حُسېن وکړه، هغه د نیوزیلېنډ دری لوبغاړی وسوځول.
بنګله دیش د هدف د پوره کولو لپاره پوره خواری وکړه؛ خو ماته یې په نصیب وه.
دوی په (۱۸،۱) اورکې د ټولو لوبغاړو په سوځېدو سره (۱۴۸) منډې جوړې کړې او کوربه لوبډلې ته یې په (۴۷) منډو ماته ومنله .
د لوبې غوره لوبغاړی کولېن مونرو ونومول شو.
د یادولو وړده، چې بنګله دیش نیوزیلېنډ ته په خپل ورزشی سفرکې په یو ورځنیو لوبو کې تر ماتې وروسته په شل اوریز سیریزکې هم ماتې وخوړله.
خبر : سمیع الله درانی